लोकशाहीर साहित्यरत्न डॉ. अण्णाभाऊ साठे यांच्या १०६ व्या सार्वजनिक जयंती महोत्सव समितीच्या अध्यक्षपदी पिराजी साठे यांची निवड
लोकशाहीर साहित्यरत्न डॉ. अण्णाभाऊ साठे यांच्या १०६ व्या सार्वजनिक जयंती महोत्सव समितीच्या अध्यक्षपदी पिराजी साठे यांची निवड
लातूर, दि. २८ : लोकशाहीर साहित्यरत्न डॉ. अण्णाभाऊ साठे यांच्या १०६ व्या सार्वजनिक जयंती महोत्सवाचे नियोजन करण्यासाठी आयोजित बैठकीत महोत्सव समितीच्या अध्यक्षपदी पिराजी साठे यांची सर्वानुमते निवड करण्यात आली.
यावेळी समितीच्या पदाधिकाऱ्यांनी १ ऑगस्ट रोजी होणाऱ्या जयंती महोत्सवानिमित्त विविध सामाजिक, सांस्कृतिक आणि प्रबोधनपर कार्यक्रमांचे आयोजन करण्याचा निर्णय घेतला. अण्णाभाऊ साठे यांच्या विचारांचा वारसा समाजापर्यंत पोहोचविण्यासाठी मोठ्या उत्साहात जयंती साजरी करण्यात येणार असल्याचे बैठकीत सांगण्यात आले.
नवनिर्वाचित अध्यक्ष पिराजी साठे यांनी सर्व पदाधिकारी, कार्यकर्ते आणि समाजबांधवांचे आभार मानत, सर्वांच्या सहकार्याने यंदाचा जयंती महोत्सव भव्य, दिव्य आणि संस्मरणीय करण्याचा निर्धार व्यक्त केला. तसेच समाजातील सर्व घटकांनी मोठ्या संख्येने सहभागी होऊन जयंती महोत्सव यशस्वी करावा, असे आवाहन त्यांनी केले.
बैठकीस समितीचे पदाधिकारी, समाजातील ज्येष्ठ नागरिक, युवा कार्यकर्ते तसेच विविध सामाजिक संघटनांचे प्रतिनिधी उपस्थित होते. १ ऑगस्ट रोजी लोकशाहीर अण्णाभाऊ साठे यांच्या विचारांना अभिवादन करण्यासाठी विविध उपक्रमांचे आयोजन करण्यात येणार असल्याची माहिती यावेळी देण्यात आली.
