नांदेडमध्ये अवैध वाळू उत्खननावर मोठी कारवाई; २ कोटींचे साहित्य जप्त, ट्रॅक्टर-ट्रॉली, JCBसह गुन्हा दाखल
नांदेडमध्ये अवैध वाळू उत्खननावर मोठी कारवाई; २ कोटींचे साहित्य जप्त, ट्रॅक्टर-ट्रॉली, JCBसह गुन्हा दाखल
नांदेड, दि.५ (प्रतिनिधी): नांदेड परिक्षेत्रात अवैध वाळू उत्खनन व वाहतुकीविरोधात पोलिसांनी मोठी धडक कारवाई करत तब्बल २ कोटी रुपयांचे साहित्य जप्त केले आहे. पोलीस उपमहानिरीक्षकांच्या आदेशानुसार ही कारवाई करण्यात आली असून, अवैध वाळू व्यवसायावर आळा घालण्याच्या दृष्टीने ही महत्त्वपूर्ण कारवाई मानली जात आहे.
दिनांक ०५ फेब्रुवारी २०२६ रोजी दुपारी १२.३० वाजता नांदेड तालुक्यातील माळाकोळी येथील गोदावरी नदी पात्रात सुरू असलेल्या अवैध वाळू उत्खननाची माहिती पोलिसांना मिळाली होती. त्यानुसार पोलिसांनी तात्काळ छापा टाकून अवैधरीत्या वाळू उत्खनन व वाहतूक करणाऱ्यांवर कारवाई केली.
या कारवाईत एक JCB मशीन, ट्रॅक्टर-ट्रॉली, डंपर, इंजिन, वाळू साठा असा एकूण २ कोटी ५५ हजार रुपयांचा मुद्देमाल जप्त करण्यात आला आहे. तसेच संबंधित आरोपींविरुद्ध भा.दं.वि. कलम ३०३ (२) तसेच महाराष्ट्र महसूल कायद्यानुसार गुन्हा दाखल करण्यात आला आहे.
विशेष म्हणजे, या कारवाईदरम्यान आरोपी अंधाराचा फायदा घेत फरार झाले असले तरी पोलिसांकडून त्यांचा शोध सुरू आहे. नदी पात्रातील पर्यावरणीय हानी रोखण्यासाठी तसेच कायदा व सुव्यवस्था अबाधित राखण्यासाठी पुढेही अशा प्रकारच्या कठोर कारवाया सुरू राहणार असल्याचे पोलिस प्रशासनाने स्पष्ट केले आहे.
पोलीस उपमहानिरीक्षक कार्यालयाने नागरिकांना आवाहन केले आहे की, अवैध वाळू उत्खनन अथवा वाहतुकीबाबत माहिती असल्यास nandedrange.mahapolice.gov.in या संकेतस्थळावर किंवा १०० / ९१ ५० १०० १०० या हेल्पलाईनवर माहिती द्यावी. माहिती देणाऱ्याचे नाव गोपनीय ठेवण्यात येईल, असेही प्रशासनाने सांगितले आहे.
