उदगीर ग्रामीण पोलिसांची कारवाई, 10 लाख 30 हजार 800 रुपयांचा अवैध गुटखा व चारचाकी वाहन जप्त; एक आरोपी ताब्यात

उदगीर ग्रामीण पोलिसांची कारवाई, 10 लाख 30 हजार 800 रुपयांचा अवैध गुटखा व चारचाकी वाहन जप्त; एक आरोपी ताब्यात.
                लातूर जिल्ह्यात अवैध व्यवसायांवर आळा घालण्यासाठी जिल्हा पोलीस प्रशासनाकडून सातत्याने प्रभावी कारवाई करण्यात येत आहे. त्याच अनुषंगाने उदगीर ग्रामीण पोलीस स्टेशनच्या हद्दीत अवैध गुटखा वाहतुकीवर पोलिसांनी धाडसी कारवाई करत मुद्देमाल जप्त केला आहे.
                दिनांक 24 फेब्रुवारी 2026 रोजी उदगीर ग्रामीण पोलीस स्टेशनला त्यांच्या हद्दीत अवैधरित्या गुटखा वाहतूक होत असल्याची गोपनीय माहिती प्राप्त झाली होती. सदर माहितीची  दखल घेऊन पोलीस अधीक्षक अमोल तांबे अप्पर पोलीस अधीक्षक मंगेश चव्हाण यांचे मार्गदर्शनात पोलीस ठाण्याचे पोलीस निरीक्षक राजकुमार पुजारी यांनी पथकाला संशयित वाहनाचा शोध घेऊन आवश्यक कारवाई करण्याच्या सूचना दिल्या.
            पोलीस पथकाने परिसरात नमूद वाहनांचा शोध मोहीम सुरू केली. दरम्यान नाईक चौक परिसरात संशयित वाहन दिसून आल्यानंतर पोलिसांनी ते अडविण्याचा प्रयत्न केला. मात्र वाहन चालकाने पोलिसांच्या सूचनांकडे दुर्लक्ष करून वाहन थेट पोलिसांच्या अंगावर घालण्याचा प्रयत्न करत पळून जाण्याचा प्रयत्न केला. परिस्थितीचे गांभीर्य ओळखून पोलिसांनी तत्काळ पाठलाग सुरू केला आणि अखेर नागलगाव परिसरात सदर वाहन अडवून पकडण्यात यश मिळवले.
वाहनाची तपासणी केली असता त्यामध्ये
 
१) आखीब मुसाभाई मिर्झा (वय 27 वर्ष, रा. मदिना नगर, उदगीर) हा इसम आढळून आला. पोलिसांनी त्याच्याकडे चौकशी केली असता तो महाराष्ट्र शासनाने प्रतिबंधित केलेला तंबाखूजन्य पदार्थ असलेला “विमल” नावाचा गुटखा वाहतूक करत असल्याचे निष्पन्न झाले. पुढील चौकशीत सदर माल
२) फिरोज पटवेकर (रा. नळेगाव) यांच्याकडे देण्यासाठी स्वतःच्या आर्थिक फायद्यासाठी घेऊन जात असल्याची माहिती आरोपीने दिली.
             या कारवाईदरम्यान पोलिसांनी अंदाजे ₹2,80,800/- किंमतीचा प्रतिबंधित गुटखा,
टोयोटा कंपनीची इटिऑस चारचाकी (MH 12 HL 9780) अंदाजे किंमत ₹7,50,000/- असा एकूण ₹10,30,800/- किमतीचा मुद्देमाल जप्त केला आहे.
                 या प्रकरणी पोलीस स्टेशन उदगीर ग्रामीण येथे गुन्हा क्रमांक 93/2026 नोंद करण्यात आला असून भारतीय न्याय संहिता (BNS) कलम 123, 274, 275, 223 तसेच अन्न सुरक्षा व मानके अधिनियम कलम 59 अन्वये गुन्हा दाखल करण्यात आला आहे.
             सदर गुन्ह्याचा पुढील तपास पोलीस उपनिरीक्षक रायपाल्ले हे करीत असून या अवैध गुटखा पुरवठा साखळीतील इतर संबंधित आरोपींचा शोध घेतला जात आहे.
              लातूर जिल्हा पोलीस दलाकडून अवैध धंदे, प्रतिबंधित पदार्थांची वाहतूक व सार्वजनिक आरोग्यास धोका निर्माण करणाऱ्या कृत्यांवर कठोर कारवाई सुरूच राहणार आहे.

Popular posts from this blog

लातूरच्या शिवानीने ‘फॉरेव्हर स्टार मिस इंडिया 2025’ स्पर्धेत देशपातळीवर उंचावला लातूरचा मान

Image
जयपूरमध्ये पार पडलेल्या ग्रँड फायनलमध्ये रनर-अपचा बहुमान; महाराष्ट्राचे केले प्रभावी प्रतिनिधित्व*        लातूर, दि. २३(प्रतिनिधी) : जयपूर येथील झी स्टुडिओमध्ये दिनांक 21 डिसेंबर 2025 रोजी पार पडलेल्या ‘फॉरेव्हर स्टार मिस इंडिया (FSIA) 2025’ या राष्ट्रीय स्तरावरील प्रतिष्ठित सौंदर्य व व्यक्तिमत्त्व स्पर्धेत लातूरची कन्या शिवानी हिने उल्लेखनीय यश संपादन करत रनर-अप (द्वितीय क्रमांक) हा मान पटकावला. तिच्या या घवघवीत यशामुळे संपूर्ण लातूर जिल्ह्यासह महाराष्ट्राचा नावलौकिक देशपातळीवर झाला आहे. या भव्य ग्रँड फायनलमध्ये देशभरातील विविध राज्यांतून निवड झालेल्या स्पर्धकांनी सहभाग घेतला होता. त्या सर्वांमध्ये आपली वेगळी छाप पाडत शिवानीने महाराष्ट्र राज्याचे प्रभावी प्रतिनिधित्व केले. आत्मविश्वासपूर्ण सादरीकरण, व्यक्तिमत्त्वातील प्रगल्भता आणि भारतीय संस्कृतीचे सुसंस्कृत दर्शन घडवत तिने परीक्षकांची विशेष दाद मिळवली. शिवानी ही VDGMC (विलासराव देशमुख शासकीय वैद्यकीय महाविद्यालय), लातूर येथे एमबीबीएस अंतिम वर्षाची विद्यार्थिनी असून, वैद्यकीय शिक्षणासोबतच कला, संस्कृती व...
Read more

मुंबईत एकनाथ शिंदे शिवसेना भवन येथे मानधन व मोफत प्रवासाचे आश्वासन

Image
     मुंबई, दि. १२ (प्रतिनिधी) : मुंबई येथील शिवसेना भवनात राज्यभरातील विविध जिल्ह्यांतील पुरस्कारप्राप्त व्यक्तींनी उपस्थिती दर्शविली. या वेळी एकूणच कार्यकर्त्यांचा सन्मान करण्यात आला. कार्यक्रमात उपस्थित राहून राज्याचे उपमुख्यमंत्री मा. एकनाथराव शिंदे यांनी महत्त्वाची घोषणा केली. त्यांनी पुरस्कारप्राप्त सर्व व्यक्तींना महिन्याला  वीस हजार रुपयांचे मानधन देण्यास मान्यता दिली असल्याचे जाहीर केले. तसेच, या सर्वच पुरस्कारप्राप्त व्यक्तींना  एसटी बसमधून मोफत प्रवासाची सुविधा देण्यात येईल, असेही त्यांनी स्पष्ट केले. या सोहळ्यात समाज नेते आणि उपमुख्यमंत्री एकनाथ शिंदे यांचे निकटवर्तीय अ‍ॅड. वैजनाथ वाघमारे यांनीही आपले मार्गदर्शन केले. त्यांनी सांगितले की, उपमुख्यमंत्री शिंदे यांनी सर्व मागण्या मान्य केल्या असून त्या तातडीने अंमलात आणल्या जातील. राज्यातील विविध जिल्ह्यांतून आलेल्या पुरस्कारप्राप्त व्यक्तींना हा सोहळा गौरवाचा क्षण ठरला. कार्यक्रमात समाजातील अनेक मान्यवर उपस्थित होते. तसेच, पुढील कार्यकारिणी बैठक २६ ऑक्टोबर २०२५ रोजी अहिल्यानगर येथे आ...
Read more

पुरस्कारप्राप्त ऐक्याने यशाच्या नव्या पायरीवर

Image
         अहिल्यानगर,  ( प्रतिनिधी ) दिनांक २६ ऑक्टोबर २०२५ रोजी झालेला अहिल्यानगर मेळावा हा समाज बंधुभगिनींच्या ऐक्याचे आणि प्रबळ संघटनेचे दर्शन घडवणारा ठरला. या मेळाव्याने यशाच्या पायरीवर मोठे पाऊल टाकले असून, आता फक्त मानधन व प्रवासाच्या सोयीची अंमलबजावणी हा अंतिम टप्पा शिल्लक आहे. या मेळाव्याच्या यशामध्ये मा. ॲड. वैजनाथ वाघमारे यांच्या प्रामाणिक, पारदर्शक आणि जबरदस्त नेतृत्वाचा मोठा वाटा आहे. समाजातील विविध स्तरांतील पुरस्कारार्थींनी एकत्र येऊन या मेळाव्याला ऐतिहासिक बनवले. पुरस्कारार्थींनी व्यक्त केले की, “आदरणीय एकनाथजी शिंदे साहेब, उपमुख्यमंत्री महाराष्ट्र राज्य यांच्या सवलती देणाऱ्या हातात समाजसेवेचे आणि जनकल्याणाचे सामर्थ्य आहे. त्यांनी राजकारणापेक्षा सामाजिक सेवेला अधिक प्राधान्य दिले आहे, हे आम्हा सर्वांनी प्रत्यक्ष अनुभवलं आहे.” मेळाव्यात उपस्थित वक्त्यांनी पुढे सांगितले की, “महामानवाच्या नावाने आम्हाला दिलेल्या पुरस्काराचा आम्हाला अभिमान आहे. या पुरस्कारामागे कोणताही भेदभाव नाही. ज्यांच्या नावाने आम्हाला सन्मान मिळाला, त...
Read more