स्वातंत्र्य दिनानिमित्त जिल्हाधिकारी कार्यालय येथे पालकमंत्री शिवेंद्रसिंहराजे भोसले यांच्या हस्ते होणार ध्वजारोहण
*स्वातंत्र्य दिनानिमित्त जिल्हाधिकारी कार्यालय येथे पालकमंत्री शिवेंद्रसिंहराजे भोसले यांच्या हस्ते होणार ध्वजारोहण*
लातूर, दि. 12 : भारताच्या 79 व्या स्वातंत्र्य दिनानिमित्त शुक्रवार, 15 ऑगस्ट 2025 रोजी सकाळी 9.05 वाजता मुख्य शासकीय ध्वजारोहण कार्यक्रम जिल्हाधिकारी कार्यालय येथे आयोजित करण्यात आला आहे. यावेळी राज्याचे सार्वजनिक बांधकाम मंत्री तथा लातूर जिल्ह्याचे पालकमंत्री शिवेंद्रसिंहराजे भोसले यांच्या हस्ते मुख्य शासकीय ध्वजारोहण होईल.
या कार्यक्रमाला सर्वांनी राष्ट्रीय पोशाखात समारंभ सुरु होण्यापूर्वी 15 मिनिटे अगोदर आसनस्थ व्हावे. इतर सर्व कार्यालये, संस्था यांना ध्वजारोहण कार्यक्रम आयोजित करावयाचा असल्यास, त्यांनी 15 ऑगस्ट रोजी सकाळी 8.35 पूर्वी किंवा सकाळी 9.35 वाजल्यानंतर ध्वजारोहण कार्यक्रमाचे आयोजन करावे, असे आवाहन करण्यात आले आहे.
