*लातूर येथे विवाहपूर्व संवाद केंद्राचे ८ मार्च रोजी होणार उद्घाटन*
*विवाहानंतरचे कौटुंबिक वाद टाळण्यासाठी उपक्रम*
लातूर : राष्ट्रीय महिला आयोगाच्या निर्देशानुसार लातूर जिल्हा परिषद येथे विवाहपूर्व संवाद केंद्र सुरु करण्यात येणार आहे. जागतिक महिला दिनी अर्थात ८ मार्च २०२५ रोजी जिल्हाधिकारी वर्षा ठाकूर-घुगे यांच्या हस्ते आणि जिल्हा परिषदेचे मुख्य कार्यकारी अधिकारी राहुल कुमार मीना यांच्या उपस्थितीत या केंद्राचे उद्घाटन होईल.
विवाहानंतरचे कौटुंबिक वाद टाळण्यासाठी विवाहापूर्वीच वधू-वर आणि त्यांचे कुटुंबीय यांच्यामध्ये संवाद घडवून आणणे, त्यांना मार्गदर्शन करण्यासाठी राज्यातील ५ जिल्ह्यांमध्ये विवाहपूर्व संवाद केंद्र स्थापन होणार आहेत. लातूर जिल्ह्यातही ८ मार्च रोजी विवाहपूर्व संवाद केंद्राचे उद्घाटन करण्यात येणार आहे, अशी माहिती जिल्हा महिला व बाल विकास अधिकारी जावेद शेख यांनी दिली.
